لێكۆلینه‌وه‌یه‌كى تازه‌ى زانستى ئاشكراى كردووه ، ئه‌و كه‌سانه‌ى كه به‌یانیه‌كى زوو هه‌ڵده‌ستن به ئه‌نجامدانى ڕاهێنانى وه‌رزشی پێش خواردنى نانى به‌یانیان ، ئه‌وا ده‌كرێت 20% چه‌ورى جه‌سته‌یان بسوتێت .
لێكۆلینه‌وه‌كه له‌سه‌ر 12 تازه‌پێگه‌یشتوو ئه‌نجامدراوه كه به‌یانیان زوو هه‌ڵده‌ستان به ئه‌نجامدانى ڕاهێنانى ڕاكردن ، ئینجا خواردنى ژه‌مى به‌یانیان ، وه هه‌موو به‌شداربوان شكۆلاته‌ى پێكهاتوو له شیر دواى وه‌رزشكردن ده‌یانخوارده‌وه ، ئینجا توێژه‌ران هه‌ڵسان به پێوانه‌كردنى ئاستى ووزه و به‌كارهێنانى چه‌ورى ، له ده‌رئه‌نجام ده‌ركه‌وت كه بڕى ووزه‌و سوتانى چه‌ورى له‌كاتى به‌یانیاندا زیاتر بووه .
هه‌روه‌ها توێژه‌ران له كۆتایدا وتیان ، ئه‌نجامدانى ڕاهێنانى وه‌رزشی پێش خواردنى نانى به‌یانیان ، ئاستى چه‌ورى به رێژه‌ى 20% زیاتر ده‌سووتێنێت ، وه به شێوه‌یه‌كى گه‌وره یارمه‌تى له‌ناوبردنى چه‌ورى ده‌دات .
سەرچاوە : کوردستان تی ڤی
